HSRP (Hot Standby Router Protocol)

 

تخيل معايا ان الراوتر الأساسى فى شركتك حصلت فيه مشكلة تخليه يتوقف عن العمل دا هيكون معناه ان الشركة توقفت عن العمل برضو طيب ايه المانع ان يكون في راوتر تاني بيعمل مع الراوتر الاساسي فى نفس الوقت بحيث لو واحد فيهم تعطل يقوم الآخر بالعمل مكان الأول وما يحصلش إنقطاع فى الخدمة

 

طيب ازاي بيشتغل HSRP؟

الفكرة الأساسية في HSRP ان بيكون فيه راوتر رئيسي (Active Router) وراوتر احتياطي (Standby Router) لو الراوتر الرئيسي حصل فيه مشكلة الراوتر الاحتياطي بياخد مكانه بشكل تلقائي الفكرة دي بتضمن إن مفيش انقطاع في الاتصال أو البيانات في حالة سقوط الراوتر الرئيسي.

 

خلينا نشوف مثال علي كيفية عمل البروتوكول: 

لنفترض ان عندي راوترين (R1,R2) وGateway هيكون 192.168 .1.1 ،وهنقوم بتفعيل HSRP بحيث يكون R1 هو الراوتر الأساسي (Active) و R2 هو هو الراوتر الاحتياطي (Standby)

 

لتحقيق السيناريو دا هيكون الامر كالاتي:

بالنسبة لR1 :

int G0/0

 ip address 192.168 .1.2 255.255 .255.0

 standby 1 ip 192.168 .1.1

 standby 1 priority 110

 no shut 

 

بالنسبة لR2:

int G0/0

 ip address 192.168 .1.3 255.255 .255.0

 standby 1 ip 192.168 .1.1

 standby 1 priority 105

 no shut 

 

نفسر بقي الكلام دا

أولا كدا كلا الراوترين هنديهم ip عادي جدا من خلال امر ip address 

 

standby 1 ip 192.168 .1.1: هنا انت بتدي للراوتر عنوان ip الوهمي الي هيستخدمه كGateway للشبكة ، والرقم الي بعد كلمة standby هو رقم المجموعة ولازم يكون نفس الرقم علي الراوترين.

 

standby 1 priority: تعيين أولوية الراوتر، الراوتر صاحب الاولويه الاعلي بيكون هو الراوتر الرئيسي وبتكون قيمتها by default هي 100 وتقدر تغيرها بما يتناسب مع الي انت عاوزه.

 

وبكدا لو تعطل الراوتر الأساسي R1 هيحل محله مباشرة R2 ودا الي بيوفر مرونة واستقرار للشبكة 

وبس كدا دي كانت دردشة بسيطة عن بروتوكول HSRP وطريقة تفعيلة .